Warkah buat Pak Lah

sodih boto den dgn luahan surat nih... Sumo orang nogeri wajib baco surat ni…

Sapo2 yg x phm loghat nogori sembilan...boleh la suruh kawan2, jiran2 atau pun yg sewaktu dongannyo tlg translet lorat nogeri nie....slmt membaco ujang & milah yg dlm myspace.



--------------------------------------------------------------------------------

kepado Pak Lah den... Pedano Mentori sey yg paling den sayangi...I lap u

namo sey di kampong ni ogang panggil si SAMAT...namo oghang putih sey kek myspace ni pulak "Uncel Sam" ....pengundi bedaftar DUN CHOMBUNG, PARLIMEN ROMBAU...alaaaa tompek si KERY yg abah'eh JAMALUDIN tuuu...makkk aiiii!!!!!!! .....tak kona ko'???? apoo lah ekau ni!!!!
menantu PAK LAH tu laaaaa....suko bona' sey ngan dio tu...ghaso nk buek
menantu lak... tapi dah di kobeh si pelakon Maya Karin.



sey nulih surat ni bukan apo...sajo yor nk ucap'an timo kasih kek pak lah
sobab naik'an hargo minyak ari tu..
lopeh ini bilo hargo minyak naik..tak soba pulak ghaso eh...tonto hargo barang lain pun naik gak
laaaa...banggo boto' sey ghaso eh...mewah...mcm duduk kek LAS VEGAS lak...HIDUP PAK
LAH!!!!!!! "HIDUP BN"

sey janji ngan pak lah yg sey akan ubah tebiat sey dari makan ikan kombung
yg dah merah menyalo mato'eh & pocah bedorai porut ikan tu pado ikan koring yor...

sey sanggup bekoban untuk UMNO dan BN ni..
anak sey yg 8 org tu yg dh buleh buek team futsal tu boleh la bekojo lopeh
sekolah buek bantu mak ayah diorang ni haaa...kok tk bekojo pun buleh la
jadi mat rompit lumbo moto dari SENAWANG hinggo kek Pulau Sobang tu...dapek gak la duit sesikit...
buleh gak la menoruskan tradisi keluargo sey yg 7 keturunan ni yg nyokong UMNO dan BN

ghaso2 sey ni nk ubahsuai bilik bilik yg ado kek ghumah sey...nk buek
tompek bolo ikan & tanam sayur cagho hidroponik (apo binchek'eh ni???) sey
tepakso tanam kek dalam bilik sobab sey tingga' kek umah flat yo...

rebet yg pak lah bagi kek sey memang melampuh2 lobeh'eh dari keperluan semaso sey..
bilo sey congak2.. sey cumo guno 20 sen yor duit minyak moto sehari.. ado
la untung 21 sen...bak kato si SAIDA AF6 "OK LAA TUUUU"

sey tak pakai pon keto... sobab bilo minyak naik hargo.. sey kono jual
datsun kotak mancis peninggalan aruah datok sey tu.. dapek gak la duit....tokih2 gotah pun ado la hasil' eh..

team futsal sey tu, sey nak suruh eksesais hari2 berjalan kaki tak pun
naik beska' poie sekolah...ado la 5 km...dokek yor tuuuuu...gaso sey budak si KERY tu lotih jugo laa...
walaupon gaji sey ni rm 1000..sbona'eh terlobih cukup untuk keluargo sey...

buek permulaan nk ngubah kehidupan sey..
sey tak akan guno'an gulo bilo buek kopi... tak akan guno'an topung untuk
buek kodok

sey nak ganti'an bogheh ngan ubi... tiap hari sey ngan keluargo akan
berposo (kecuali pado hari hari yg dilarang beposo)
sey akan buek minyak masak sendiri
itu antaro caro sey ngubah caro hidup..
ade banyak laie caro
semuo kerano UMNO dan BN...

dan sey mintak bona' Pak Lah naik'an laie hargo minyak yg ado..
bukan tu yorrr.. sey mintak bona' naik'an laie hargo tol sobab org sbolah
rumah sey nih org pembangkang...dio slalu guno highway yg si Samy Velu buek tuu, biar padan muko eh...tu la...suko bona' nyokong Pembangkang...PAKATAN RAKYAT konon...palo
hayah dio tu...


nnt Pak Lah buleh la melawat sey dan sedokah pado sey solai duo kain pelikat
bilo dh nak dokek2 pilihanraya nanti...
insyaallah kain pelikat tu sey nk bubuh dlm frame dah tu gantung kek dinding rumah...
tapi jangan lupo lak.. Pak Lah sain otogeraf yor kek kain tu....

jgn lupo Pak Lah.. naik'an laie hargo minyak..
jgn la diturun'an gaji mentori2 tuuu..siannn diorang...kang apo lak anak
bini'eh nk mentodarah....
sey totap nyokong Pak Lah..

akhir kato biar Pak Lah sonang, si budak KERY tu pun nompang sonang...janji biar kami papo kedano.. hidup UMNO, hidup BN..

sekian timo kasih..

ps/ sampai'an salam sey kek si KERY samo PATRICK BADAWI tu yor..tak lupo
gak tuan punyo syarikat SCOMI...sapo tah namo'eh...lupo lak...

sey nak bepantun sekojap ni haa..
pocah kaco, pocah golas,
sudah baco, harap baleh.